Wednesday, April 14, 2021

ميرنا الهلباوي تطالب بالقبض على شاب يبرر التحرش بسبب ملابس البنات (فيديو)


اشترك لتصلك أهم الأخبار

تسبب شاب يطلق الفيديوهات الفكاهية في جدل عبر مواقع التواصل الاجتماعي أمس، بعد الخروج في لقطات مُصورة ويتحدث عن ملابس الفتيات والسيدات، ويُرجع أسباب التحرش إلى ارتدائهن الملابس الضيقة أو الكاشفة للجسم، ويطلق الألفاظ النابية مُحملًا السيدات المسؤولية كاملة في تعرضهن للتحرشات في الشوارع المصرية.

وقال الشاب الذي يدعى حسام الخطيب خلال الفيديو الذي نشره عبر صفحته الشخصية بـ«إنستجرام»: «إنتي طول ما بتلبسي ضيق هيفضل يعاكسك وهيتحرش بيكي، هتفضلي تلبسي ضيق استحملي» ويبدأ مقطع الفيديو ويوزّع الشتائم وحتى في نهاية اللقطات المُصورة يكرر توجيه الشتائم مرة ثانية وثالثة.

تلك اللقطات أزعجت الكثير من النساء، وتم تداول الفيديو على نطاق واسع، الساعات الماضية، وتدخلت الفنانة إيمان العاصي لمواجهة الشاب وتقول: «أتمنى لما يحبس إن شاء الله نشوفه مرعوب وخايف وندمان.. طيب ممكن حد يتصرف ويجيبوه ويتحاسب على الكلادم دا بجد الولد دا محرض».

وعلقت الفنانة جميلة عوض: «يارب ارحمنا» واستكملت الكاتبة والمذيعة ميرنا الهلباوي، معبرة عن غضبها: «أتمنى الأستاذ حسام خطيب يتقبض عليه عشان نخلص من النوعية دي من الناس».

تمر ساعات وينشر الشاب بفيديو يقدم اعتذارًا عن الفيديو الأول ويقول: «أنا طالع اعتذر لكل الناس اللي شافت الفيديو بتاعي بطريقة تانية، كنت بتكلم بطيب نية وبعمل فيديوهات كوميدي وبتكلم عن اللبس الضيق وكنت بهزر كل الناس أخدوا الموضوع جد، وبعتولي على الخاص يشتموني وأنا مابردش على حد ومش متربي على أني أرد وأقول ألفاظ».

وتابع: «عندي وقت فراغ وبعمل فيديوهات كوميدي عادي زيي زي أي حد ولا طالع أحرض ولقيت حد بيقولي هاشتاج متحرش وأنا مالي بكل دا كل الناس فهمتني غلط وبعتذر لكل الناس، ومسحت كله، وشارك بفيديو ثان: «بسبب الفيديو اللي نزلته وبيتكلم عن اللبس الضيق والتحرش بقدم اعتذار رسمي وماكنش قصدي.. أنا غلطت غلط جامد».

واستكمل: «هحكي لكم الموضوع كله أنا شاب زي أي شاب بعمل فيديوهات.. أنا فيديوهاتي علطول كوميدية وبستني تجيب تعليقات، الفيديو لما عملته ماعملتش حسابي ممكن الدنيا تتقلب كده، بعتذر للبنات»، وفيديو ثالث، منذ دقائق خرج يقول: «مافيش أي وجه حق لأي حد بيعاكس وبيتحرش ببنات الناس غير أنه يا مجنون يا مريض نفسي، يا معاق ذهنيًا، عشان لو فكر أن البنت دي أخته كان عمره ما هيعاكس بس للأسف بقى فيه تخلف وعمر اللبس ما كان السبب في التحرش».

واختتم مُسجلّا تعليق على الفيديو الأخير: «المتحرشين مرضى نفسيين.. ولازم مانسكتش ونوجد حل ويتعالجوا، أخواتنا البنات في خطر»، وأغلق خاصية الرد على اللقطات المُصورة السابقة منعًا للتعرض إلى التعليقات المزعجة.

View this post on Instagram

A post shared by Ħا§Âм | حًےـسًےـآمِےـ (@hossam__elkhateeb)

  • الوضع في مصر

  • اصابات

    185,922

  • تعافي

    143,575

  • وفيات

    10,954

  • الوضع حول العالم

  • اصابات

    117,054,168

  • تعافي

    92,630,474

  • وفيات

    2,598,834






Source link

Related Articles

LEAVE A REPLY

Please enter your comment!
Please enter your name here

- Advertisement -

Latest Articles